Швециядаги ўзбеклар ўзларига ўт қўймоқчими?
Бугун интернет орқали эълон қилинган қуйидаги эълонлар диққатимизни тортди. Улардан маълум бўлишича бир гуруҳ ҳамюртларимиз Швеция муҳожирлик хизмати биноси олдида сиёсий акция ташкил этишмоқчи. Швециядан сиёсий бошпана берилмаган айрим ўзбеклар ўзларига ўт қўйиш билан ўз норозиликларини изҳор этишга мажбур бўлишаётганини айтишган.
Шу пайтгача бу каби норозилик акцияси кузатилмаган эди. Ҳамюртларимизни ўзларига ўт қўйиш қарорига келишларига нима мажбур этмоқда? Нега улар айнан шу йўлни танлашди? Булар албатта кишини чуқур мулоҳаза қилишга ундайдиган саволлардир.
Швециядаги ўзбеклар талабалари ва уларга муҳожирлик хизмати ходимлари муносабатини ўрганишга ҳаракат қиламиз.
“Янги Дунё” таҳририяти.
Қуйида эълон ва мурожаат билан танишинг.
ЭЪЛОН
24 ноябр душанба куни соат 11 00 да Стокголм шахрининг Солнедаги Миграция бошқармаси биноси тўғрисида Ўзбекистонликларни депортация қилинишига қарши норозилик намойиши ўтказилади. Айрим депортацияга тушган Ўзбекистон фуқаролари намойишни узлуксиз давом эттиришга қарор қилишди. Намоишни узлуксиз давом эттирувчилар шу жойга палатка тикишади. Депортга тушганларнинг айримлари очарчилик элон қилишларини билдиришган. Намоиш Халқаро Ҳуқуқ Ҳимочилари Жамияти (ХҲҲЖ) ташкилотчилиги асосида ўтказилади.
Мурожаат учун манзил:
Hemgårdsvägen 15 C, 71234 Hällefors.
Тел: 0737634977; 0700686464.
Eл, почта: himoyachi@yahoo.com
ХҲҲЖ жамияти. 2008.11.19
http://himoyachi.ucoz.ru/news/2008-11-19-630
*****
Диққат сиёсий акция!
Маълум бўлишича, келгуси ҳафтада душанба куни Швециянинг миграция хизмати биноси рўпарасида ўзбек қочқинлари томонидан сиёсий норозилик акцияси ўтказилиши режалаштирилмоқда. Мақсад ўзбек қочқинларининг Ўзбекистонга депортация қилинишини тўхтатиш. Сиёсий акция ўтказилиши белгиланган жойга маҳаллий телевидение ва матбуот вакиллари таклиф этилган.
Акция давомида бир-нечта ўзбекистонлик қочқинлар очлик эълон қилиб, оммавий матбуот вакиллари келгач намойишкорона ўз-ўзини бензин қуйиб, ёндиришни амалга оширишмоқчилар. Мазкур сиёсий акцияга оид тафсилотлар кўшимча равишда сайтимиз орқали ёритилиб борилади.
Fazliddin
Ponauz.info
http://ponauz.info/news/2008-11-19-1210